|
SubscriptionsSites I Read
|
|
|
|
| 生日之前一日.... 出動四周圍買禮物...... 行完屯門, 再出TST, 之後再返TM 行多陣最後衝刺, 跟住食飯睇戲..... 睇左"吸血新世紀".... 好好睇~~~ 基本上... 呢套戲, 我係俾個poster 吸引, 對於個內容係完全唔知講咩就傻傻下入場睇....  一出左DVD, 一定會買..... 至於小說... 睇下心情啦.... edition 出得靚既, 都會考慮買既... 哈哈
今年既生日, 有D 呆滯...  一起身就暈暈地... 好呆, 好似未訓醒咁.... 公司有lunch party... 所以點呆滯都好, 都返公司出席~~ 結果...... 都算係值得既, basically 有一封廿蚊既mcdonalds coupon... 到左抽禮物既時候, 居然抽中左部PSP...... 起初望見d 禮物, 個心都有個預定, 應該都冇份架喇.... 不過好好彩地, 唔係抽到電熱水壺, 如果唔係都唔知點拎返屋企.... 公司party 完左之後, 就拿拿聲走人.... 去行街街... 不過一個傻下傻下, 發呆中既人, 點解可以係TST 行左成三個鐘~~ 再返TMTP (屯門市中心) 行左大半個鐘, 最後對腳已經頂唔住, 要打的返屋企..... 最大既原因係拎住三大袋戰利品 + 一碗滿記糖水.... 冇可能唔打的返屋企囉~~~ 夜晚就出左街食飯, 同四叔一家... 食聖誕大餐..... 好似係咁大個女, 同屋企人第一次出街食既聖誕大餐.... 以前一係就約左朋友, 表妹出街食飯行街... 好多年都冇同屋企人食飯... 今年就特別留返正日俾屋企啦~~ 哈哈 | | |
| 矛盾既感覺又回到我身邊.... 想喊既感覺亦都回到我身邊.... 好想大叫一聲救命..... 無論何時何地, 面對住咩人都好, 都好無奈..... 難度呢個世界就係真係咁現實? 點解我對人好, 人地唔會對我好呢? 我要求既都唔算太過份之嘛, 只係想大家開心.... 點解會咁難既.... 係公司, 只係想大家開開心心一齊工作.... 點解要咁樣呢....... 係屋企, 我都只係想一家人生活得開開心心.... 點解又要去到呢個咁既地步.... 明知道喊係無用的, 但唔知點解, 每日都想喊.... 喊既感覺, 真係由個心度喊出黎.... 無論自己同自己講, 用咩藉口黎逗自己開心, 點樣聽D 會分心既音樂, 睇D 會令我分心既電影同劇集.... 想喊既感覺, 真係停不了, 只係識暫停, 睇完戲之後, 首歌唱完之後, 又想喊了..... 嫲嫲走了, 爺爺走了, 婆婆也走了.... 到底我仲可以做什麼呢? | | |
| 估唔到, 連唯一可以令我鬆一口氣既地方, 都變成了戰場.... 日嘈夜嘈.... 好煩啊.... 一返到黎, 就好似世界大戰咁, 嘈到令人好煩, 最無奈既... 我完全冇能力同冇資格去加入呢場戰爭... 令到我不知如何是好~~~~ 救命呀.... 我只係想要個休息既地方, 寧靜既地方, 點解都咁難架..... 真係覺得好累...... 做呢樣又唔岩, 個樣又唔岩.... 到底想我點.....
我都好想走, 你叫到我過去你度, 無論係陪你又好, 完成埋我想做既事又好.... 我真係想即刻飛走..... | | |
| 又到左一年一次既中秋節...又係一個冇氣氛既中秋.... 近來D眼淚真係唔聽話, 成日都流出黎, 好容易就好似壞左既水喉一樣, 不停咁流..... 睇戲又流, 睇電視劇又流, 同表嫂傾電話又流, 自己呆坐係房又流, 搭車返工放工又流.... 就連自己一個人食lunch 都想流出黎........ 眼淚就好似十年冇流過一樣, 好似儲起左一樣, 到而家滿了, 就好容易流晒出黎.....
突然晒發現, 每三年我就會到一個分叉口... 每個分叉口都要我去做決定, 決定將來要行既路..... 到左今日, 到左而家呢個時間, 我真係做唔出任何既決定.... 好奇怪, 身邊既朋友又好, 屋企人又好, 一有起問題, 都問我意見, 問應該點做好.... 但我呢, 到我有問題要解決既時候, 有邊個可以幫我, 有邊個可以聽下我講, 又有邊個可以俾到意見我呢?? 雖然唔係好想計有咩回報, 但係我只係求下有個人可以聽下我講下野, 問下我自己有咩意見, 仲有俾下我一D意見咁之嘛, 好難咩? 好想逃避, 好想走, 好想做自己想做既事, 點解咁好有晒人安排, 咩都唔駛做, 唔駛去求人, 有得去既就唔去; 我都明白咁大個人, 對於自己所做既事, 係應該要一手一腳去做.... 就好似做report, 寫essay 一樣, 自己去搵資料, 自己去做安排... 但又如何呢, 搵好晒, 做好晒功課, 都係冇用.... 就好似返工做左份proposal 一樣, 好同唔好, 上司睇都冇睇就ban 左了........ 回來的, 只有一句說話 "唔夠budget, 冇sponsor".... 真係好想問個天一句, 有sponsor 既就唔去take action, 反而由我一手一腳做資料搜集, 安排好晒schedule既, 就因為話冇sponsor, 唔夠budget, 就....... 變得白做了..... 白費左心機..... 就算無論我做咩, 都冇一樣做得好.... 打算放棄份工去讀書, 講到好似唔岩咁; 放棄讀書, 專心工作, 又係我唔岩... 又係咁問點解唔讀埋先, 咁就會搵到份好工..... 有時真係想反問返一句, "咁到底想我做咩?"
今日放假, 呆左係屋企一日, 睇緊套台劇, 令我又喊又笑.... (不過都係喊既多....) 俾人放飛機既次數.... 睇黎都就黎破記錄, 居然連續兩日都被放飛機, 又係一個白等..... 係咪因為我太易信人? 定係因為我太多時間? 點解等既永遠只係我..... 點解只有我係等既一個......... | | |
| 又開始準備報上堂了..... 今次上咩好呢? 日文當然想繼續讀啦..... 難得自己有興趣同埋自己儲到錢去讀.......... 呢樣我一定唔會放棄... 至於年尾12月既考試.... 多數都只會考一份Paper.. 黎緊要報course 上堂, d 時間.... 要安排下先得... 個degree.......... 呢個先頭痛, 唉, 都唔知點講好, 唔係唔想報, 但又怕....... 返工越黎越忙喇.... 同埋冇咩心機.... 雖然有預算到會發生呢d事, 但係到真係發生既時候, 係會好影響個情緒..... 聽到d唔好既消息, 就開始好擔心將來會有好多變動...... 真係好矛盾..... | | |
|
